CAGAYAN DE ORO CITY, Philippines – Muhatag sa assistance ang Land Transportation Office (LTO) alang sa tanan kargador sa bugas sa tibook Pilipinas. Ang kamanduan nagsumikad sa opisina ni (LTO) chief, Assistant Secretary Vigor Mendoza II.
Unod sa kamanduan ang paghatag sa hanutoy nga pagbiyahe sa mga tagsuplay sa bugas ilabe sa mga lugar nga dunay pagnihit sa supply ug pagmahal sa presyo.
Mikomitar si Mendoza nga muhatag escorte gikan sa ilang mga personel sa mga cargo truck nga ma-trapped sa ilang biyahe gumikan sa managlahing rason.
Makigkoordinar ang LTO sa DA ug uban pang ahensya sa gobyerno aron madispatch ang ilang truck escorts.
Mahinumduman nga gideklara sa DA ang food security emergency agig tubag sa dili masabtan nga pagsaka sa presyo sa bugas, ug pagbaligya sa mga buffer stock sa bugas sa tanan bodega sa National Food Authority.
