CAGAYAN DE ORO CITY – Nabulgar nga wala nalatid sa Republic Act 10930 nga angayang mopaubos sa private driving schools ang mga driver aron mopaubos sa comprehensive drivers education o CDE bugti sa renewal sa ilang mga lisensiya.
Kini ang nadiskobre ni Deputy House Speaker ug Cagayan de Oro 2nd District Rep Rufus Rodriguez samtang miduso sa resolusyon ug balaodnon aron ipatawag ang DOTr ug LTO kon nganong ipakuha sa CDE ang driver ‘s license holders.
Miingon ang kongresista nga tuyo sa iyang resolusyon nga e-suspenso una kini samtang ipatawag ang kadagkuan sa maong mga ahensiya sa komitiba sa transportasyon sa kamarabaha pagbalik sa ilang regular session.
Kinia aron pangayua’g katin-awan kon nganong angayang isibog ang maong lakang nga wala moagi sa konsultasyon sa publiko.
Una usab niini,gibutyag ni LTO-10 Director Nelson Manaloto nga igo ra sila mopatuman sa kamanduan nga gikan sa ilang mga opisyal sa kauluhan kabahin sa maong programa.
Namugos si Manoloto nga wala sila’y laing tinguha gawas nga magbaton sa mga edukado ug disiplinado nga drivers ang nasud.
