CAGAYAN DE ORO CITY-Giawhag sa LTO-10 ang mga motorista nga wala pa makakuha sa ilang driver’s license ID nga mobisita sa nagkadaiyang district offices sugod ning semanaha.
Kini human gisugdan na ang pag-release sa mga lisensiya nga molungtad sa lima ka tuig ang expiry date niini.
Gibutyag ni LTO regional director Oscar Salcedo nga mismo sa ilang buhatan gihimo ang pag-imprinta sulod lamang sa pila ka minutos aron mapadali ang pagkuha niini sa mga tag-iya.
Una nang gi-upgrade sa LTO ang ilang sistema human usab nakadawat sa mga pagbatikos tungod sa dugay nga pag-release sa mga lisensiya alang sa mga aplikante.
Kabahin sa unang naka-benepisyo sa pagkuha’ sa bag-ong 5 year driver’s license sila si MisOr Gov Bambi Emano,Camiguin Brgy Kap Christopher Rodriguez ingon man sa daghang mga magbubuhis nga nakabase dinhi sa rehiyon.
