CAGAYAN DE ORO CITY – Gisuta sa kapulisan ang motibo sa pagpamusil-patay sa usa ka lumad leader sa Barangay Iba, Cabanglasan Bukidnon.
Giila ni Cabanglasan Police Station commander Police Major Eddie Boy Manalo ang biktima nga si Datu Mario Agsab, 52-anyos, adunay asawa ug leader sa Pigyayunga-an Lumad Organization.
Gibutyag ni Manalo nga gipusil sa duha ka wala mailang armadong tawo ang biktima samtang sakay sa iyang motorsiklo. Nakaangkon sa nagkadaiyang samad-pinusilan sa iyang lawas ang biktima nga maoy hinungdan sa iyang kamatayon.
Hisayran nga kabahin sa ilang gitutokan ang alegasyon sa grupong Kalumbay nga militar ang mipatay sa biktima.
