Makatabang ang livelihood programs aron masanta ang ilegal nga mga aktibidad sa pagmina sa hinterland barangay sa syudad.
Kini ang gibutyag ni City Agriculture Consultant Edwin Dael alang sa mag-uuma ug kabos nga usa sa “primary target” sa mga langyaw sa ilang ilegal nga aktibidad sa syudad ug lalawigan.
Iyang giingon nga kini makahatag og alternatibong panginabuhian aron dili na mapugos ang mga tawo sa kabukiran sa pag-apil sa operasyon sa pagmina.
Dael midugang nga kon adunay programa nga makasuporta sa adlaw-adlaw nga panginahanglan sa pamilya, malikayan ang pag-apil sa mga mag-uuma sa mining activities.
Gibutyag usab niya nga nakigkoordinar ang lokal nga gobyerno sa DOLE ug pribadong sektor aron mapalambo ang mga programa alang sa mga mag-uuma.
