CAGAYAN DE ORO CITY – Napalayas na sa konseho sa brgy kuyog ang pipila ka sakop sa Highlanders Group Higaonon Tribe 10 ug kapolisan ang tribung Higaonon nga kanhi illegal occupants sa yutang gipanag-iya sa pamilyang Cid sa Upper Carmen sa dihang giilog na usab niini ang sobra 12 ektaryang pribadong luna sa Sitio Bontula,Upper Aluba,Brgy Macasandig ning syudad.
Kini human paspas giaksyon ni Macasandig Punong Brgy Amor Sanchez kuyog si Sultan Omar Datu Anduhan Jumo ang gihimo sa tribu ni Datu Makatundag kagahapong adlawa.
Miingon si Sanchez nga duna pa’y natigayon nga gamay’ng komosyon kay unang nagdumili ang grupo ni Datu Makatundag sa paghawa sa lugar.
Gipanag-iya sa bangko ang maong yuta ug nabaligya sa laing pribadong kompanya sukwahi sa gipamugos ni Makatundag nga yutang kabilin o ancestral domain nga tuyo nila nga kuhaon aron konohay ihatag sa mga kabus.
Samtang namugos ang tribu Higaonon ni Datu Makatundag nga siya ang gipiyalan o gibinlan sa pamilya ni pamilyang Bagting aron subli makuha ang mag kayutaan nga nahatag sa gingharian sa Epansya kanila dinhi sa Mindanao.
Kini ang hinungdan nga gisudlan sa iyang grupo ang sobra 12 ektaryang yuta aron ihatag sa mga kabus dinhi sa dakbayan.
Namahayag si Datu Makatundag nga kumpleto ang ilang mga dokumento aron magmatood nga sila ang lehitimo nga claimants sa mga kayutaan sa Mindanao.
Samtang pakatmayan sa tribu ni Jumo kon dunay mangahas pag-ilog sa mga yuta nga nasakop sa Brgy Macasandig ning syudad.
Kini ang panganti ni Sultan Jumo gumikan sa pagsulay’g iskuwat na usab sa grupo ni Datu Makatundag sa dose ka ektaryang yuta nga iya sa pribadong korporasyon sa maong lugar.
Gibulgar ni Jumo nga professional squatters ang pundok ni Makatundag giakusahan nga tigpangayuan sa mil-500 pesos ngadto sa mga tawo nga ilang ma-recruit ug ipasulog sa mga yuta nga ilang mailog.
Dugtong usab niini,gimatud-an sa National Commission on Indigenous People o NICP 10 nga walay ilang record nga dunay aplikasyon aron angkonon isip ancestral domain o yutang kabilin ang gikab-utan nga pribadong yuta diha sa Brgy Macasandig ning syudad.
Gibutyag ni NICP 10 regional legal officer Atty Dexter Precioso nga taas nga proseso ang subayon aron mahatag ang maong pagtugot o legalidad nga kini ilhong ancestraldomain.
Hinoon,nagdumili pag-komento ang opisyal kon dunay nagpaluyo sa grupo sa mga lumad aron ilegal nga angkonon ang tituladong yuta sa maong brgy.
