CAGAYAN DE ORO CITY-Gidepensahan ni Lumbia Police Station commander C/Insp Bernard Colegio ang mga kaubang pulis nga nakapusil-patay sa miembro sa Batang Mindanao o BM 29 sa Brgy Pagalungan ning syudad.
Si Colegio miingon nga dugay na nga nalambigit sa illegal drugs ang suspek hinungdan nga gawas-sulod na kini sa bilangguan.
Gawas sa droga, nalambigit usab sa kasong pagpanulis ang suspek nga si Jonas Cabanyez, 38 anyos nga nagpuyo sa maong brgy.
Una niini, unang nagpabuto sa kalibre 45 nga armas ang suspek sa dihang gidakop kini hinungdan nga paspas usab mibalos ang back-up sa kauban nila nga pulis nga nakig-transaction niini.
Naigo sa bukton ug dughang ang biktima hinungdan sa iyang kamatayon.
Narekober sa crime scene ang armas, sachet sa suspected shabu ug marked money.
