Ipa-deport sa Bureau of Immigration (BI) ang nadakpang car importer nga konektado sa negosyanteng magti-ayong Discaya.
Gibutyag kini ni BI Deputy Spokesperson Melvin Mabulac atol sa press briefing kagahapon.
Giila ni Mabulac ang suspek nga si Cao Cheng, ug kasamtangang gidetenar sa Camp Crame human sa operasyon sa mga awtoridad.
Gikompirmar usab ni Land Transportation Office (LTO) Assistant Secretary Markus Lacanilao nga si Cao mao ang car importer nga gisaligan nila Curlee ug Sarah Discaya sa ilang negosyo.
Gilauman nga karong adlawa, ibalhin si Cao sa pasilidad sa BI sa Taguig City aron ipailalom sa inquest proceedings ug medical examination.
Una niini, niadtong Nobyembre 27, 2025 gikadop ang car importer tungod sa mga kasong obstruction of apprehension and prosecution of criminal offender, illegal use of alias, false representation, ug willful misrepresentation of material information.
