CAGAYAN DE ORO CITY – Gipasalig sa Local Water Utilities Administration o LWUA appointed interim officials nga nagbaton sa usa lang ka direksyon sa trabaho ug obligasyon ang naglangkob sa Cagayan de Oro Water District o COWD sa syudad.
Kini human e-anunsyo ni interim General Manager Fermin Jarales nga gihupay niini ang kabalaka sa management sa COWD nunot sa giingong walay hunong nga pag-alkontra sa regular board of directors sa LWUA full takeover.
Miingon si Jarales nga dili lang angay mabalaka ang COWD management kay katungod usab sa regular BODs ang pagsulti ug paghimo’g mga lakang nga sa pagtoo niini kabahin sa demokrasya.
Apan siya miingon nga gisunod lamang sa LWUA ang mando ni Pres Bongbong Marcos aron luwason ang kahimtang sa COWD nga nag-atubang sa grabeng mga suliran nga pakyas masulbad sa kasamtangang policy makers niini.
Hisayrang naipit ang COWD kay dili pabayran ang kanunay’ng gisingil nga utang sa MetroPac Waters nga minilyong utang sa kontratang-panubig nga gisuplay sa katawhan ning syudad.
