CAGAYAN DE ORO CITY – Gipa-bakante na sa Local Water Utilities Administration o LWUA ang opisina nga kasamtangang gi-okupar ni regular Cagayan de Oro Water District o COWD General Manager Engr Antonio Young.
Kini human isilbi sa legal team ang memorandum batok sa regular management sa COWD nga respetuhon ang gahom sa LWUA nga nag-takeover nga unang giila nga legal sa Office of the Govt Corporate Counsel.
Namahayag si interim COWD General Manager Fermin Jarales nga hinoon na-resib usab ni Young ang memo diin nagpugong na kanila sa pagsapaw sa trabaho sa mga opisyal nga gitahasan pagsulbad sa daghang suliran sa opisina.
Una nang mihatag katin-awan ang legal team LWUA sa korte nga walay komplikto tali sa legal opinion sa DoJ ug OGCC pag-abot sa isyu sa full takeover sa COWD operations.
Apan sa pikas bahin,dili mahatag sa regular COWD mngt ang gipangayo sa LWUA nga respetuhon ug sundon ang legal opinion sa OGCC.
Kini ang tubag ni regular COWD board of director Dr Gerry Caño kabahin sa gilugwa nga memorandum sa LWUA aron ihunong na sa paksiyon ni Young ang pagsapaw sa trabaho ni Jarales ug appointed board of directors niini.
Namahayag si Caño nga wala pa’y gilugwa nga finality legal decision ang gidangpan nila nga korte kabahin sa question of legality rason nga maglisod usab sila pagsunod niini.
Hinoon,nalipay sila kay giila sa LWUA ang ilang pagdangop sa korte apan namugos kini nga wala’y basehan ang takeover.
