CAGAYAN DE ORO CITY – Nanganti si City Council Majority Leader Kag. Edgar Cabanlas nga ihinayon ang pag-deklara nga PERSONA NON GRATA ang kadagkuan sa Local Water Utilities Administration o LWUA ingon man ang interim officials nga nagdumala sa Cagayan de Oro Water District ning syudad.
Kini sa oras nga makadawat na siya sa dokumento sa giporma nga committee of the whole nga nauyunan sa konseho nga mosusi sa kahimtang sa COWD nga nagbaton sa duha ka managers ning panahona.
Miingon si Cabanlas nga kutob lang sila sa pag-kondinar apan wala sa ilang gahom nga pangtangtangon sa katungdanan ang nahisgutang mga opisyal.
Hisayrang dakong supak ang syudad sa pag-takeover sa LWUA sa COWD kay napadaplin ang mga tinudlo sa city hall nga regular board of directors.
