CAGAYAN DE ORO CITY- Sugdan na ang demolasyon sa mga guba nga gambalay nga nakasulod sa sector 8 ug 9 sa most affected area o MAA sa MarawiCity.
Kini human mitugot na ang office of the building officials o OBO nga pasudlan na sa contractor ang maong bahin sa syudad aron mahipos ang damyos nga mga gambalay epekto sa giyera tali militar ug grupong Maute-ISIS sa tuig 2017
Miingon si Task Force Bangon Marawi chairman Sec Eduardo del Rosario nga magmaampingon gihapon sila sa pagtrabaho aron dili maaksidente ang kontraktor ilabina nga may mga bomba pa nga wala makuha sa main battle area.
Una nang gipasalig ni Del Rosario nga makasulod na ang mga bakwit nga ang ilang balay nahimutang sa sector sa MAA sa Hulyo ning tuiga.
