CAGAYAN DE ORO CITY-Nadala na sa regular nga ospital ang mabdos nga miembro sa rebeldeng New People’s Army o NPA nga kabahin sa nakig-engkuwentro sa Sitio Ulayanon, Brgy. Kalabugao, Impasugong, Bukidnon.
Kini human samaron nga gibiyaan sa misibat nga NPA rebels si Susan Guaynon, 22 anyos, minyo ug nagpuyo sa maong lugar.
Miingon si 4th ID spokesperson Lt Tere Ingente nga tuyo nila nga mahatagan sa maayong pagtagad si Guaynon hinungdan nga gipaningkamutan sa mga sundalo nga luwas maka-biya sa encounter site.
Si Guaynon ang kapikas sa usa ka rebelde nga kabahin sa mipatay kang Impasug-ong Mayor Mario Okinlay ug tulo ka sundalo sa magkalahing tuig sa Bukidnon.