Gisaysay ni Dr. Rosalina S. Huerbana, ang presidente sa Secular Institute of St. Monica Widows o SMOW, nga dako ang hagit sa kinabuhi nga gipas-an karon sa mga inahan ug mga balo nga nag-inusarang naglihok sa pamilya.
Tungod niini, gipangulohan ni Archbishop Emeritus Antonio J. Ledesma ang maong pundok aron magpabilin ang walay puas nga pag-alagad ug paghimo sa mga buluhaton alang sa Dios.
Gisugdan usab sa mga sakop gikan sa Tagoloan ug nagkalainlaing barangay sa Cagayan de Oro ang kapistahan ni Santa Monica pinaagi sa usa ka dako nga panagtipon.
Dungan niini, gihimo sa maong mga consecrated widows ang ilang renewal of commitment aron mas lig-on nga maihalad pag-usab ang ilang kinabuhi sa pag-ampo ug pag-alagad sa Simbahan.-
