Ang Cagayan Electric Power & Light Co., Inc. (CEPALCO) mipahibalo sa iskedyul nga power interruption karong Domingo, Oktubre 19, 2025, nga makaapekto sa pipila ka lugar sa dakbayan sa Cagayan de Oro.
Sugod alas 7:00 sa buntag hangtod alas 5:00 sa hapon, adunay 10 ka oras nga kaputol sa kuryente aron ayohon ang naglihok nga poste sa Brgy. Macabalan, nga makaapekto sa mga lugar gikan sa 2GO establishment hangtod sa DENR, lakip ang COLRAI, Block 4 Buara, Bureau of Customs, PPA-Macabalan, ug mga kasikbit nga lugar.
Dugang pa, adunay mubo nga kaputol sa kuryente gikan alas 7:00 hangtod alas 8:30 sa buntag ug balik alas 3:00 hangtod alas 5:00 sa hapon sa Brgy. Puntod, Cabaraban Subdivision, Escobido St., Block 2 Buara, ug VGL Industries alang sa isolation ug normalization sa worksite.
Gipasalig sa CEPALCO nga ang kuryente ibalik dayon kung mahuman ang trabaho mas sayo pa sa iskedyul.
