Gisumbalikan ni French President Emmanuel Macron si Israel Prime Minister Benjamin Netanyahu sa pagkastigo human niya gimando ang pag-undang sa pagpasulod sa armas sa Gaza.
Unang namahayag si Netanyahu nga “cuddler” sa terroristang Hamas si Macron kay siya mismo ang mihingusog nga ipasulod ang mga pagkaon sa mga lugar nga natumbok isip hideouts o baluwarte sa nahibiling sakop sa militante.
Sa subling pagpakita ni Macron sa press iyang gisaway si Netanyahu kuyog ang tibook gobyerno sa Israel nga dakung makauualaw ug walay kalooy sa mga tawong naipit sa gubat kay gipug-ngan sa Israel Defense Force ang pagpasulod sa humanitarian aid sa Gaza.
Hisayran nga sa miaging adlaw, gikondinar sa World Health Organization ang kapin gatus ka tawong patay sa Gaza tungod sa 24 oras nga airstrike sa IDF sa lima ka lokasyon sa Amihanang Gaza.
