CAGAYAN DE ORO CITY – Nakasuhan na sa pagsupak sa Comprehensive Dangerous Drugs Act of 2002 sa piskalya sila alyas Madam ug alyas Dodong ning syudad.
Kini human dakpa sa hiniusang operasyon sa mga operatiba sa Bulua Police Station ug Cogon Police Station ang duruha pinaagi sa buy-bust operation sa Villa Candida Subdivision,Brgy Bulua sa dakbayan.
Namahayag si Cagayan de Oro City Police Office Director Col.Salvador Radam nga maoy nakompiskar gikan sa 40 anyos nga si Madam ug Dodong ang sobra kilo nga gitoohang shabu nga halos 7 milyones pesos.
Kasamtangang detinado sa mini-cell sa Cogon Police Station ang mga dinakpan samtang gihulat ang commitment order gikan sa korte aron masaka sa city jail sa Brgy Lumbia sa dakbayan.
Samtang namahayag ang mga dinakpan nga dili sila ang tag-iya sa maong kontrabando nga mitimbang sa sobra un-kilo nga shabu.
