Posible gihapon nga ipatawag o ipa‑subpoena si Ramil Madriaga, nga nagpa‑ilang “bagman” ni Bise Presidente Sara Duterte, sa nagpadayong impeachment proceedings batok sa Bise Presidente.
Gibutyag ni Representative Isabel Zamora, Vice Chair sa House Committee on Justice, dili makaapekto sa proseso ang kaso sa perjury nga gisang‑at batok kang Madriaga tungod kay adunay kaugalingong gahum ang komite sa pagpangusisa ug pagpatuman sa imbestigasyon.
Miingon ang magbabalaod nga bisan pa kon ma‑convict si Madriaga, aduna gihapon laing ebidensiya nga makasuporta sa alegasyon sa sayop nga paggamit sa confidential funds sa Office of the Vice President.
