CAGAYAN DE ORO CITY – Dili na kabataan ang tudluan sa usa ka maestra apan sulod na selda ang iyang bag-ong kahimtang kuyog ang laing upat ka kauban niini sa Barangay Rapasun,Marawi City,Lanao del Sur.
Kini human nasignit sa tropa sa Philippine Drug Enforcement Agency -BARMM kuyog ang mga sakop sa Philippine National Police ang mga suspek nga sila Fatima Pangcoga Oranggaga,magtutudlo,42 anyos kauban sila Hania Alcantara Delinogun, 57; Esmael Antal Mamarinta,27 ; Alfatah Oranggaga,20; Juhaifa Pangcoga Oranggaga ug usa a menor de edad.
Miingo si PDEA-BARMM Director Gil Castro nga maoy nakuha gikan sa posisyon sa mga dinakpan ang gitoohang shabu balor 3.4 million pesos,pribadong sakyanan ug ubang mga ebedensiya.
Gikasuhan sila sa pagsupak sa RA 9165 o Comprehensive Dangerous Drugs Act of 2002 samtang ang menor de edad gitugyan sa Department of Social Welfare and Development.
