CAGAYAN DE ORO CITY-Gawasnon na ang maestro sa Macabalan National High School nga unang nasikop sa mga otoridad kay giingong nanglaparo sa traffic enforcer ug nangluwa sa police officer ning syudad.
Kini human wala na mokaso si RTA enforcer John Elmar Arnaiz batok suspek nga si Reynold Distar nga taga-Brgy Cugman sa syudad.Si Arnaiz miingon nga traffic violations na lamang ang ilang gipahamtang kang Distar aron usab kini ma-leksyon.
Una niini,nangayo’g pasaylo si Distar kang Arnaiz ilabina nga grabe kini kahubog nga nakig-komprontasi dihang nag-maneho sa iyang motorsiklo diha sa Velez-Echem sa syudad sa miaging gabii.
Nagbahad ang kadagkuan sa Dept of Education sa mga magtutudlo ilabina sa kalalakin-an nga hilig moinom sa ilimnon nga makahubog nga dili magpakaulaw sa ilang propesyon.
Gihimo ni Dr Rosalio Vitorillo sa DepEd Cagayan de Oro ang pahimangno tungod sa iskandalo nga gilambigitan sa maetro nga si Reynold Distar.
Si Vitorillo miingon nga dili nila duphan ang mga magtutudlo nga mag-atubang sa kasong kriminal tungod lamang sa ilang kaugalingong kasaypanan.
