CAGAYAN DE ORO CITY – Nakasuhan na sa pagsupak sa Republic Act 9165 o Comprehensive Dangerous Drugs Act of 2002 ang magtutudlo nga nasikop sa drug buy-bust operation sa Purok 1, Brgy Kibangay, Lantapan, Bukidnon.
Giila ang suspek nga si Arnel Rey Alon, 37 anyos nga residente sa maong lugar.
Gibutyag ni Major Jerry Paronia,hepe sa Lantapan Police Station nga gamit ang 500 pesos nga marked money, napalitan nila ang suspek sa usa ka sachet sa gituohang shabu.
Matud ni Paronia nga una na usab nga nasikop si Alon may kabutan gihapon sa kasong pagkalambigit sa illegal nga droga sa Don Carlos sa maong lalawigan.
