CAGAYAN DE ORO CITY-Naghikog-patay ang maestro sulod sa prayer room sa kaugalingong pinuy-anan niini diha sa Xavier Heights,Upper Balulang sa syudad kagabii.
Giila ang biktima nga si William Jurado,47 anyos,minyo ug nagtudlo sa usa ka pampublikong elementarya sa dakbayan.
Gidali pagdala sa ospital ang biktima apan pakyas na ang mga doktor nga maluwas ang kinabuhi niini.
Maoy gigamit pagpusil sa biktima punting sa iyang dughan ang giingong kalibre 45 nga armas.
Inisyal nga gitoohan sa kapolisan nga presyur sa trabaho ang hinungdan sa paghunos sa kinabuhi sa maong biktima.
Naglusad pa sa dugang pag-imbestigar ang kapolisan kabahin sa nahitabo sa maong maestro.
