CAGAYAN DE ORO CITY – Gitumbok sa Special Investigation Task Group o SITG nga ‘mafia like hitmen’ ang mihimo pagpatay sa pari sa simbahang Katoliko sa Brgy Patpat,Malaybalay City,Bukidnon.
Kini ang pasiuna nga SITG investigation sa kamatayon ni Reverend Father Rene Regalado,42 anyos nga taga-Valencia City kinsa gikulata ug gipusil sa lima ka higayon sa ulo samtang pauli na sa Saint John Pre-College Serminary sa miaging gabii.
Gibutyag ni Bukidnon Provincial Police Office Director Col Roel Lami-ing nga pagdumot ang nakita nila nga usa sa mga motibo kon nganong gipatay ang maong pari.
Si Regalado ang temporaryong naka-piyansa sa kasong rape nga nakasang-at sa korte sa lungsod sa Lala,Lanao del Norte.
