CAGAYAN DE ORO CITY-Patay ang mag-agaw nga international mixed martial arts fighters human bangga-i sa taxi tungod sa Capitol University Medical Center o CUMC diha sa Brgy Gusa ning syudad kaganihang kadlawon.
Gibutyag sa kauban ug nagsilbing testigo nga si Rex de Lara nga maoy namatay ang mga biktima nga si Rocky Chun Batul-Batol,32 anyos ug usa ka Genar nga nagpuyo sa Bacolod City.
Gikan miduaw ang mag-agaw kuyog si De Lara sa ilang manager sa CUMC dihang pagtabok sa pedestrian lane dihang nabanggan sa taxi.
Dead on the spot ang mag-agaw tungod sa kakusog sa impact diin nakaangkon sa grabeng bun-og ug mga bali sa kalawasan.
Nasuta nga may international fight unta si Batul-Batol sa Indonesia sa Hulyo 29 ning tuiga.
Detinado na karon ang taxi driver nga si Jerson Bersabal nga taga-Upper Carmen sa syudad diha sa kapolisan tungod sa maong kremin.
Una niini,gibutyag ni Bersabal nga wala niya makita ang pagtabok sa mga biktima hinungdan sa maong aksidente.
