CAGAYAN DE ORO CITY-Nasikop sa pursuit operation sa kapolisan ang mag-agaw nga suspek pagpanulis sa 7 Eleven
convenience store diha sa Corrales Avenue ning syudad kaganihang kadlawon.
Kini human nalukong ang mga suspek nga si Amil Daguyanan u Etchel Mapayag nga pulos taga-Bukidnon.
Gibutyag ni PO3 Rene Mahunyag sa Divisoria Police Station nga natulis ang maong tindahan dihang gidunggab ni Daguyanan ang tangkago sa naka-duty nga sekyu nga si Rodney Obedencio.
Nadala sa mga tulisan ang kinitaan sa tindahan nga kapin 6-mil pesos apan wala na kini ma-rekober pa sa mga
otoridad.
Nasayran nga samaron ang usa sa mga suspek human kulataha sa mga tawong nagpakabana sa hitabo.
