CAGAYAN DE ORO CITY-Gisuyop sa nagtuyok nga tubig sa dagat hinungdan nga nalumos-patay ang mag-agaw nga lalaki sa Brgy Baybay,Alubijid,Misamis Oriental.
Giila ni SPO1 Mark Valles,imbestigador sa Alubijid Police Station nga mga namatay’ng biktima nga si Junriel ug Ramsey Junayan,hingkod ang mga panuigon ug nagpuyo sa Brgy Talaba sa maong lungsod.
Gibutyag ni Valles nga kantilado ang maong bahin sa dagat rason nga paspas ang pagkalumos sa mga biktima.
Naluwas usab ang laing duha ka bitkima nga sila si Jimboy Balansag ug Mondeli Batalia nga kadungan sa pagkaligo sa mag-agaw nga
Junayan.
