CAGAYAN DE ORO CITY- Patay ang mag-ig-agaw sa nahitabong aksidente sa dalan sa Brgy Tagbocboc, Talisayan, Misamis Oriental.
Giila ni P03 Orlando Condez, imbestigador sa Talisayan Police Station ang mga biktima nga sila Alrics Estrada Cabilladas, 23, drayber ug si Jun Dimple Estrada Dymil, 13 anyos nga pulos molopyo sa Brgy Puting Balas susamang lungsod.
Segun sa nakasaksi, head on ang pagbangga sa motor ug sa Isuzu wing van nga gimaneho ni Aludines Abanile sa usa ka general merchandise dinhi sa sa dakbayan.
Hisayran nga milagpot ang mga patay’ng lawas sa biktima sa barandilya nga gimuntar palibot sa crime scene.
Dead on the spot si Alcris samtang sa Misamis Oriental Provincial Hospital namatay ang iyang bakride nga minor de edad.
Kasuhan si Abanile sa kasong reckless imprudence resulting to multiple homicide and damage to property sa piskalya ning sunod semana.
