CAGAYAN DE ORO CITY – Sutaon sa Police Regional Office o PRO-10 kon sakop sa mga rebeldeng New People’s Army ang mag-amahan nga mitahan sa City Mobile Force Company diha sa Brgy Besigan ning syudad.
Miingon si PRO-10 spokesperson Lt. Col. Mardi Hortillosa nga may proseso silang himoon nga magpamatood nga miembro sa armadong grupo sila si alyas Aden, 51 -anyos ug alyas Kaloy, 27-anyos, pulos residente sa Talakag, Bukidnon ug miembro sa Guerilla Front 12.
Bitbit sa giingong rebel returnees sa ilang pagtahan ang .30 caliber ug .45 caliber pistol.
Una nang gika-report sa Cagayan de Oro City Police Office o COCPO nga nahukman sa mag-amahan nga mobalik sa sabakan sa gobyerno pinaagi sa gihimo nga negosasyon sa mga Oro Police.
