CAGAYAN DE ORO CITY-Patay ang mga mag-amahan sa dugu-ong aksidente sa national highway sa Balingasag,Misamis Oriental kagahapon sa hapon.
Giila ang mga biktima nga sila Ronnie Sr ug Ronnie Dagnan Jr nga pulos nagpuyo sa Brgy Mintabon,Talisayan ning lalawigan.
Gibutyag sa mga nakasaksi nga mismo ang gisakyang motorsiklo sa mag-amahan ang mibangga sa nakaparada nga pick-up vehicle hinungdan sa aksidente.
Apan alang sa paryente sa mga biktima nga si Geraldine Sagrosa nga imposible ang gipanulti sa pipila ka saksi ilabina nga naguba pag-ayo ang motorsiklo.
Hinoon,giangkon ni Sagrosa nga nakainom ang mag-amahan ug pauli na unta sa Talisayan dihang nahitabo ang aksidente.
