CAGAYAN DE ORO CITY – Nahukma’g guilty ang mag-amahang Ampatuan nga maoy gitudlong “principal accused” sa Maguindanao Massacre Case.
Sa pagbasa sa desisyon ni Judge Jocelyn Solis – Reyes, silutan sa reclusion perpetua nga walay parol sila Datu Unsay Mayor Andal Ampatuan Jr., kanhi Autonomous Region in Muslim Mindanao Governor Zaldy Ampatuan, Anwar Ampatuan Sr., Anwar “Ipi” Ampatuan Jr., ug Anwar Sajid “Ulo” Ampatuan.
Silang tanan nag-atubang sa 57 counts sa kasong murder, base sa gikanaug nga Consolidated partial decision sa regional trial court sa Quezon.
Samtang ang duha ka Ampatuan nga sila Akmad alias “Tato” ug Sajid Islam Ama ang na-abswelto sa kaso ug gimanduan sa korte nga mapagawas sa Camp Bagong Diwa.
