CAGAYAN DE ORO CITY- Gikasuhan sa kapolisan sa grave coercion ug act of acts of lasciviousness ang mag-amahan nga Chinese nationals nga unang mihimo’g sexual harassments batok sa duha ka massage therapists sulod sa spa diha sa JR Borja- Corrales Avenue ning syudad.
Kini human unang nangayo’g tabang ang duha ka wala panganli nga spa workers tungod sa pagbinastos sa mga suspek nga si Samuel,67 anyos ug Kenneth Yung,36 anyos nga taga-Brgy Kauswagan ngadto kanila sa miaging gabii.
Gibutyag ni Cogon Police Station officer-in-charge Lt Tawidee Galleon nga unang gipugos sa usa sa mga suspek ang therapist nga ipa-masterbute ang kinatawo niini hinungdan nga nakapangayo’g tabang sa kapolisan.
Dili pa igo,gihikap usab sa lain pang suspek ang dughan sa kaubang therapist rason nga nagpasaka sila’g kaso batok sa mag-amahang Yung sa piskalya sa syudad.
