CAGAYAN DE ORO CITY – Gisang-atan ni vice mayoralty candidate Zaldy Ocon sa disqualification cases ang mag-amahan nga si incumbent City Mayor Rolando ‘Klarex’ Uy ug iyang anak nga si Carmen Punong Brgy Kikang Uy sa Commission on Elections- Manila.
Matud sa reklamo ni Ocon nga nagsumikad kini sa grabeng pagsaka sa ihap sa mga bag-ong botante sa maong brgy nga miani’g kontrobersya sukad sukad pa sa miaging tuig.
Samtang si Mayor Klarex ang laraw usab ipa-disqualify ni Ocon kay nag-aghat nga magpa-rehistro sa Brgy Carmen rason nga pila ka libo ang napuno nga bag-ong mga botante.
Dumduman nga nag-atubang na sa disqualification case si Kikang apan gibakwi ra usab sa Comelec kay alang nila angay pa nila palig-unon ang ilang mga kaso.
Gani, may gihimo pa usab nga imbestigasyon ang House Committee on Suffrage and Electoral Reforms kay inisyatiba usab ni Cagayan de Oro 1st District Cong. Lordan Suan kinsa kaatbang ni Kikang sa 2025 elections.
Si Ocon nga kanhi 3-term city councilor sa dakbayan ang kanhi alyado ni Mayor Klarex apan kalit nagka-aslom ang relasyong politika.
Nagsilbing kritiko ni Ocon sa pagka-politiko ni Klarex diin siya gikasuhan sa daghang ihap sa cyber libel cases nga pending sa korte.
Sa pagkutlo ning balita,wala pa’y giluwatang pahayag ang kampo sa mag-amahang Klarex ug Kikang sa lakang ni Ocon.
