CAGAYAN DE ORO CITY – Gipatunga sa House Committee on Electoral Reforms ang mag-amahang City Mayor Rolando ‘Klarex’ Uy ug Carmen Punong Brgy Kikang Uy sa kamarabaha sa petsa 5 sa Pebrero ning tuiga.
Kini subay sa nalugwa nga imbitasyon sa komitiba aron magsilbing ‘resource persons’ sa imbestigasyon kabahin sa isyu sa naghinobrang ihap sa mga bag-ong mga botante sa Brgy Carmen ning syudad.
Gihinaut sa komitiba nga dili na pakyason sa mag-amahang opisyal ang imbitasyon sa kamarabaha.
Dumduman nga pulos pakyas makatunga ang mayor ug punong barangay sa unang pagdungog sa komitiba kay mas nakauna’g han-ay ang mga kalihukan sa duha ka opisyales.
Hisayrang sa unang pagdungog,dismayado ang panig sa mag-amahan kay wala pangtuhu-i sa mga kongresista ang mga abogado nga ilang gipadala aron motubag unta sa mga isyu.
