CAGAYAN DE ORO CITY- Gawasnon sa gihapon ang mag-amahan nga si City Mayor Reynaldo ‘Aldong’ Parojinog Sr ug City Vice Mayor Nova Princess Parojinog-Echavez bisan gimando sa korte nga sila ipabilanggo didto sa Ozamiz City.
Kini human nagbulantaryo pag-tahan sa Sandiganbayan 5th Division ang mag-amahang Parojinog ug miduso’g piyansa aron dili ma-priso sa kasong kurapsyon.
Miingon si Ozamiz City Police Station commander C/Insp Jovie Espenido nga gilayong midalikyat ang mga akusado sa kauluhan aron atubangon ang ilang atraso sa korte.
Una niini,gibasura sa korte ang apelar sa mga Parojinog samtang sila gikasuhan gumikan pag-renovate sa ilang gymnasium balor P2 milyon diin mismong construction company ra nila ang nagtrabaho.
