CAGAYAN DE ORO CITY- Balikan sa pag-imbestigar sa mga bombero ang nasunog nga duha ka andanang balay diha sa Brgy Macasandig sa syudad.
Kini human nag-resulta sa kamatayon sa mag-inahan nga si Luzviminda,83 anyos ug Mary Grace Dumaguing,45 anyos nga pulos nagpuyo sa maong lugar.
Miingon si SFO3 Greg Rosario sa BFP-Nazareth Sub-Station nga gusto nila masuta kon unsa’y hinungdan sa pag-ulbo sa kalayo ilabina kusina nga bahin sa maong pinuy-anan.
Una niini,wala makagawas ang mga biktima tungod sa paspas nga pag-ulbo sa kalayo.
Natala ang balor gatus-miel pesos ang damyos sa maong sunog.
