CAGAYAN DE ORO CITY – Nasikop sa kapolisan ang mag-inahan nga Maranao-Muslim sa gilusad nga buy bust operation sa fishlanding area sa Barangay Bulua ning syudad.
Miingon si Police Chief Master Sargeant Marvin Bolanio sa Cogon Police Station nga giila ang inahan nga si Umaya Sumagayan alyas Fe, DI list, 33-anyos ug residente sa Baloi, Lanao del Norte diin nakuha kaniya ang 25 gramos nga suspected shabu.
Dugang ni Bolanio nga gigamit sa suspek ang iyang 7 anyos nga anak aron kaluy-an kon masikop sa mga otoridad.Dungan usab nakuha gikan sa suspek ang laing dako nga sachet sa shabu nga nagbalor sa P145,000.
Giandam na ang kasong pagsupak sa RA 9165 batok sa suspetsado.
Samtang kasuhan sa mga otoridad ang paghupot sa illegal nga droga nga marijuana ang suspek nga lalaki nga nadakpan sa Zone 1, Upper Balulang ning syudad.
Nadakpan sa mga operatiba sa Philippine Drug Enforcement Agency ang suspek nga si Ernest Joshua Barriga, residente sa maong dapit.
Base sa report, napalitan sa duha ka pakete sa uga nga marijuana ang suspek samtang nakuhaan usab kini sa 1.5 kilo sa marijuana nga nagbalor sa P180,000.
