CAGAYAN DE ORO CITY – Dili na makasaulog sa pasko ug pagsugat sa bag-ong tuig ang mag-iyaan nga naligsan-patay sa trailer truck sa Purok 4,Brgy Sinai,Laguindingan,Misamis Oriental.
Subay sa impormasyon nga nakaabot sa lamesa ni Misamis Oriental Police Provincial Office Director Col. Wilbur Salaguste nga naila ang mga biktima nga si Jenny Ingkoy,18 anyos ug iyang 11 anyos nga pag-umangkon nga si DJ Arbellesa nga pulos nagpuyo sa Brgy Liberty sa maong lungsod.
Sa pasiunang imbestigasyon,sakay sa motorsiklo ang duruha dihang nasangit ang manobela sa cable wire nga nagbitay hinungdang nadisgrasya.
Sa pagka-disgrasya,nalatayan sila sa trak nga kusog ang dagan hinungdan sa dugu-ong aksidente.
Nasuta gikan sa pag-vigil ang mga biktima apan tungod sa hitabo,sila na usab ang bilaran sa ilang mga mahal sa kinabuhi.
