CAGAYAN DE ORO CITY – Giatubang sa magka-ipon nga sila alyas Jay-Jay ug alyas Rosila ang pagsupak sa Anti-Online Sexual Abuse o Exploitation of Children Act o OSAEC ug kasupakan sa Anti-Child Sexual Abuse Exploitation Materials Act sa piskalya sa Iligan City.
Kini human nadakpan ang duruha sa hiniusang operasyon sa mga otoridad epekto sa kasupakan sa OSAEC diin pito ka minors
nga naglakip sa unom ka lalaki ug babaye ang ilang gigamitt aron makapanguwarta sa mga langyaw pinaagi sa pagsundayag sa mga law-ay nga videos ug mga hulagway.
Gibutyag ni Police Regional Office 10 Director Brig Gen Jaysen De Guzman nga gilayong gipakustodiya ang mga naluwas nga bata sa City Social Welfare and Development aron mapaubos sa ensaktong pag-atiman.
Nasuta nga tipik sa mga naluwas ang mismong anak sa mag-live in partner.Nabawi gikan sa mga suspek ang pito ka celphones,wifi router,USB flash drive ug drug related paraphernalia.
Napasayon ang pagluwas sa mga biktima ug pagdakop sa mga suspek kay naghiusa sa operasyon ang Iligan City Police Office OSAEC Task Force,Iligan City Police Station 4, Iligan City Mobile Force Company-SWAT , Regional Anti-Cybercrime unit 10, Women and Children Protection Center-Mindanao Field Unit sa in Brgy. Tipanoy, Iligan City.
Una nang suportado sa Iligan City-CSWD,Department of Social and Welfare Development 10 ug International Justice Mission.
