Dako nga proyekto sa enerhiya ug dugang langyaw nga pamuhunan ang gilauman nga mosulod sa PHIVIDEC Industrial Authority aron mas mapalambo ang mga coastal area niini.
Sumala kay PHIVIDEC Administrator ug Chief Executive Officer Joseph Donato “Cid” Bernedo, aduna sila’y gihimong mga C-high level meeting tali sa duha ka dagkong langyaw nga kompanya.
Gawas niini, gipangandaman usab sa maong awtoridad ang pag-abli sa unang usa ka gatos ug baynte metros nga expanded port, bulk water nga adunay tulo ka milyon ka litro matag adlaw, ug hapit usa ka libo ka yunit sa balay sa unang kwarter sa sunod tuig.
Samtang nagpabilin ang PHIVIDEC nga usa ka one-stop shop sa pagtabang sa mga namuhunan pinaagi sa kaugalingong paghatag og business permit ug pagproseso sa mga visa.
