CAGAYAN DE ORO CITY – Itaral sa hukmanan sa kasong ‘incestous rape’ ang amahan nga akusado paglugos sa kaugalingong anak menor de edad sa daghang higayon sulod sa ilang balay sa Kibawe,Bukidnon.
Saysay ni Police Regional Office 10 spokesperson Police Major Joann Navarro nga mismo ang kapolisan sa Kibawe Municipal Police Station ang misilbi sa warrant of arreset batok kang alyas Doggo, 45 anyos samtang nagtagu-tago sa Purok 6,Tambo,Brgy Hinaplanon,Iligan City.
Gibutyag ni Navarro nga subay sa nahipos nga imbestigasyon sa Kibawe MPS nga mismo ang maestra sa biktima ang mitaho dihang nakuha niini ang impormasyon batok sa linu-og nga binuhatan sa akusado.
Apan nakasibat padulong Iligan City rason nga gihulat ang paglugwa sa warrant of arrest sa kasong rape ayha gipaubos sa operasyon.
Nasuta nga gisugda’g abusong seksuwal sa suspek ang 13 anyos niyang anak panahon sa pagbuto sa COVID-19 hangtod ning tuiga.
Gitugtan sa korte nga maka-pinyasa ang dinakpan alang sa temporaryong kagawasan sa balor 100-mil pesos.
