CAGAYAN DE ORO CITY – Atubangon sa suspek ang kasong kriminal kon pursigido ang pamilya sa gidunggab-patay niini nga isang-at sa piskalya sa Misamis Oriental.
Kini human detinado sa kapolisan kay boluntaryong mitahan sa mga barangay tanod ang suspek nga si Julius Mete,52 anyos pipila ka minutos gikan sa paghimo’g kremin.
Giila ang biktima nga si Eric Gallegos,35 anyos nga managsama nagpuyo sa Sitio Magbais, Purok 8, Brgy. Mat-i, Claveria sa lalawigan.
Sa imbestigasyon sa kapolisan,kalit nagkabikil ang duruha samtang nag-inom sa Sitio Impakibel, Brgy Aposkahoy nga mi-resulta sa dugu-on nga kremin.
Mitaop ang kutsilyo sa suspek makaduhang higayon sa dughan sa biktima ug laing tulo sa likod rason sa kamatayon niini kagabii.
