CAGAYAN DE ORO CITY – Wala pa’y matumbok ang kapolisan nga motibo sa pagpamusil-patay sa usa ka mag-uuma sa Purok 6 Mandahican, Cabanglasan, Bukidnon.
Gibutyag ni Cabanglasan Police Station commander Major Eddie Boy Manalo nga anaa sa upat ka wala pa mailang suspek ang mipatay kang Melbert Sarucam, 38, minyo ug molopyo sa Purok 8, Poblacion sa maong lungsod.
Nakuha sa crime scene ang mga basyo sa bala sa kalibre 45, 9mm ug shotgun.
Sa pagkakaron,gipadayon pa sa mga otoridad ang imbestigasyon sa hitabo.
