CAGAYAN DE ORO CITY – Sakote sa kapolisan ang giingong mag-uyab nga gi-alegahan nga namaligya’g gitoohang shabu sa lungsod sa Villanueva,Misamis Oriental.
Gikataho sa mga operatiba sa Villanueva Police Station nga nabawian sa 200 gramos nga gitoohang shabu ang mga magtrato nga sila alyas Bossing ug alyas Madam nga gibana-banang adunay 1.3 milyones pesos nga kantidad.
Tungod niini,ang maong mga dinakpan kasuhan sa pagsupak sa Comprehensive Dangerous Drugs Act of 2002 sa piskalya ning lalawigan.
Nasuta usab nga ikaduha na kining higayon nga nadakpan ang mag-trato gumikan sa susama nga kahimuan sa salaod.(Photo by: Cyril Cambalon Jr).
