CAGAYAN DE ORO CITY, Philippines – Gisaway ni Senador Bato dela Rosa ang mga pulitiko kalit mipabor sa sugyot sa mga magbabalaod sa kamarabaha nga hatagan sa permiso ang International Criminal Court nga makasulod sa Pilipinas aron mulusad sa “independent investigation” sa Extra Judicial Killings (EJK) nga konektado sa War on Drugs Campaign ni kanhi Presidente Rodrigo Duterte.
Namugos si Dela Rosa nga dunay kaugalingong korte ang Pilipinas nga may kapas pa nga mu-imbestigar sa akusasyon sa EJK. Gawas niini, subli gitin-aw sa magbabalaod nga walay hurisdiksyon ag ICC nga manginlabot sa internal affairs sa nasud.
Una niini, gisalikway ni Dela Rosa ang report nga bisan ang Malakanyang, may bag-ong gibarugang tonada sa pagpasulod sa ICC sa nasud, human misamot ka aslom ang relasyon sa Pamilya Marcos ug Duterte.
Hisayran nga usa si dela Rosa sa imbestigaran sa ICC oras nga makasulod ang ilang mga imbestigador sa Pilipinas human kini nagsilbing implementor sa duguong kampanya ni Duterte ug nagsilbing PNP Chief ubos sa Duterte Administration.
