Gipalig-on sa pipila ka mga magbabalaod ang ilang panawagan nga pahugtan pa sa Kongreso ang pagbantay sa plano sa Pilipinas nga makig-istorya pag-usab sa China bahin sa joint oil ug gas exploration sa West Philippine Sea.
Gipangulohan ni Akbayan Partylist Representative Chel Diokno ang panawagan nga gamiton ang “oversight powers” sa House Special Committee on the West Philippine Sea aron masusi pag-ayo ang maong negosasyon.
Matod ni Diokno nga kinahanglan masiguro nga ang kasabutan mosunod sa balaod ug sa tinuod nga interes sa nasud.
Gipasiugda usab ni Diokno nga ang tanan nga detalye sa maong negosasyon dapat ipadayag sa publiko tungod kay ang bahandi sa kinaiyahan kabtangan sa katawhan, ug ang sekreto nga pakig-sabot makapahimo sa pagduha-duha ug red flags. (by Phillip Ariata)
