Gikadismaya sa United Drivers Association (UNIDA) ang dako nga distansya ug pagkalain-lain sa presyo sa gasolina sa mga lungsod ug dakbayan sa lalawigan sa Misamis Oriental taliwala sa gipatuman nga rollback.
Giyagyag ni UNIDA President Joel Gabatan nga makahibulong kon ngano nga ang mga gasoline station sa mga layong lungsod sama sa Balingasag ug Initao mas barato pa kaysa sa mga estasyon sa dakbayan sa Cagayan de Oro diin mas duol ang supply.
Gikwestiyon usab sa opisyal kon ngano nga dili magkakauyon ug dili pareho ang rollback nga gipatuman sa matag brand sa petrolyo, diin nagpakita lamang kini sa kaguliyang ug kakulang sa regulasyon sa industriya sa lana.-
