CAGAYAN DE ORO CITY – Gisuta pa sa Opol Police Station kung dagkung supplier ba sa ginadiling druga ang ilang nadakpang magti-ayon nga ilang gi buybust, kagahapon sa hapon.
Giila ni Opol Police Station Command Randy Anito ang mga suspek nga si Evelyn Ganas ug Nathanial Obsioma, pulos 32 anyos ug molopyo sa maong dapit.
Napalitan ang mga suspek sa usa ka pakete sa gitoohang shabu.
Dakung kakurat sa raiding team sa ubay-ubay ka mga pakete sa sachets nga ilang nakuha sa posisyon sa mag-in-live gawas pa sa mga unsealed sachets nga posibleng nakomsumo nila ug sa ilang mga buyers.
Hangtud karon wala mahatag sa kapulisan ang street value sa druga nga ilang nakompiskar.
