CAGAYAN DE ORO CITY-Nasikop sa anti-illegal drug buy bust operation ang magsilingan nga suspected drug pushers diha sa Sitio Bontong,Brgy Camaman-an sa syudad kaganihang udto.
Giila ang mga dinakpan nga sila si Rudy Ceriales ug Roquilo Merto kinsa giingong pulos Toktok Hangyo o Tokhang surrenderees nga nagpuyo sa maong lugar.
Nakuha gikan sa mga suspek ang balor P300 nga gitoohang shabu,bala sa M-16;M-14 ug shotgun.
Si PO2 Gino Balaba sa Macasandig Police Station nga gitakdang kasuhan sa piskalya ang mga suspek sa syudad ugmang adlawa.
Una niini,mihimakak si Merto nga nagpadayon pa gihapon kini sa pagpamaligya’g shabu kay giingong dugay na kining miundang sa ilegal nga kalihukan.
