CAGAYAN DE ORO CITY – Gipangita karon sa kapolisan ang magsoong suspetsado nga miunay pagpatay sa ilang kaugalingong uyuan sa Calaanan, Canitoan ning syudad.
Gibutyag ni Bulua Police Station investagator Police Master Sgt. Roldan Sayatao nga daling misibat human sa hitabo silang Raffy, 28, ug Anthony Laroa, 22-anyos.
Miggawas sa imbestigasyon nga gikulata sa biktimang si Rolly Sabaldana,49, Pintor ang amahan sa magsoon busa gibalusan kini.
Mikuha sa kutsilyo si Raffy ug migamit sa atsa si Anthony dayon tigbas kang Sabaldana.
Nanawagan si Sayatao ngadto sa mga suspek nga mo-surrender na lamang ug atubangon ang salaod nga ilang nahimo.
