CAGAYAN DE ORO CITY – Patay ang tulo ka minor de edad human nalumos samtang naligo sa dagat diha sa Zone 4,Brgy Tubajon, Laguindingan, Misamis Oriental kagahapon sa buntag.
Giila ang mga biktima nga sila si Zedrick,11 anyos; John Dave Buntod,12 anyos ug ig-agaw nga si Sylvester Russel Monton,13 anyos nga tanan residente sa Barangay Cogon,Gitagum sa lalawigan.
Gibutyag ni Police Maj. Edgardo Baledo, hepe sa Laguindingan Police Station nga gibilin sa ilang amahan ang mga bata daplin sa baybayon kay namana kini’g isda sa lawod.
Apan wala damha sa amahan nga naligo sa lawom nga bahin sa kantiladong dagat ang mga bata nga mi-resulta sa ilang pagkalumos.
Nadala pa sa ospital ang mga biktima apan wala na maluwas sa mga doktor ang ilang kinabuhi.
